أه لو قابلتك ....
من ييجي 16 سنة
أنا كنت أغيّر فيك حاجاااااااااات!!!!
وكنت هأبقى ليك لوحدك
بس فينا العمر فات
كنت أخلِّيك تبقي شاعر
ليّا وحدي
أوهبك كل المشاعر
أوعدك......
وأوفي بوعدي
أرسمك ....
مستقبلي والذكريات
بس فينا العمر فات
أه لو قابلتك....
كنت أبيع عمري عليك
أوهبك بالحب قلبي
وأشتريك
كنت أحبك
أد بكرة وأد بَعدُه
وأد أيامي اللي جاية
بين إيديك
لو قابلتك.....
كنت أكونك
أبقى عمرك وأبقى كونك
أبقى فكرك يوم شجونك
وأبقى ظنّك يوم ظنونك
تبقى كلِّي
وأبقي كلّك
تبقى إيدي
وأبقى رجلك
أبقى وقت الجد عونك
كان هيبقى
كل شئ فينا تمام
أه لو قابلتك .....
من ييجي 16 سنة
أنا كنت أصلي وراك
فروض.....
الحب سُنِّة وجدعنة
وكنت أقدّملك
فروض....
الطاعة ياسيدنا الولي
وأفضل وراك العمر كله
تصلِّي بالروح الإمام
بس إيه فايدتها لو؟!
من إمتى بيفيد الكلام؟!!!!
::
0 تعليقات:
إرسال تعليق