زمان كان مش زمان دي كانت رجالة ياولدي سابقة كل الاذمان زمان كان المطبخ فيه دولاب واحد وفيه كل المواعين، ويطبخوا ليل نهار..!!
والآن البيت فيه مطبخين والأكل يطلبوه من الدلفيري !!
_______
زمان كان البيت فيه 10 أولاد وبنات ومتربيين أحسن تربية واجمل اخلاق !!
والآن البيت فيه بس ولد وبنت وجاييبين المرض ﻷمهم وأبوهم الخ الخ !!!
________
زمان كانت الناس تنام أريح نومه على اﻷرض علي الحصيرة !!
والآن الفراش قيمته بالشئ الفلاني و لا يناموا مرتاحين وكوابيس طول الليل !!
________
زمان كان البيت فيه تلفزيون واحد وقناة واحدة ونعرف أخبار الدنيا !!
والآن كل غرفة فيها تلفزيون وتوصيلة نت وألف قناة ولا حد يعرف عن الثاني حاجة والاعلام كله كذب فى كذب والسياسه مفيش تغيير من هم الي غم الي دستور لا نعلم عنه شيء من الممكن ان يحكم علينا بالموت ومن الممكن ان يحكم علينا بالسعد !!
_______
زمان ماكان حد يعرف حاجة عن الصحة واللياقة البدنية، وكنا أصحاء وفي أفضل لياقة بدنية
كنا بنشرب من الفحل ونميل نشرب من الترعة!!
والآن الكل يتكلم عن الصحة والرياضة ، وثلاثة أرباع الناس مريضة وتعبانة بالوباء والفشل الكلوي !!!!! فينك ياااااااازمان
__________
زمان كانوا يدرسوا ويتعبوا ويطلع عينهم على لمبة جاز .. ويفرحوا بالشهادة !! ﻻحفلات نجاح وﻻ هدايا ومبسوطين
والآن اﻷم واﻷب يذاكرو للعيال، ويجيبوا لهم مدرسين خصوصيين ويطلعوا مش فاهمين حاجة والكل ناجح ناجح وتعالوا شوفوا الهدايا والحفلات هو ده زمان ياازمان !!
_______
زمان كان البيت فيه صالة ومطبخ وغرفتين وكان البيت مفتوح للكل!!!
واﻵن مساحات وليفنج وصالونات وإذا أحد فكر يزور أحد لازم بموعد وتبقى القعدة كلها رسميات!!!
______
الزمان لم يتغير إنما النفوس تغيرت ثم تغيرت لذة الحياة وذهبنا الي دنيا المتاعب والتلاعب بعضنا ببعض زمان كان حب مش جبن وحقد وفقر عقول وكثرة اوهام زمان كان الخير في القلوب مش في البنوك دلوقتي خيرك في البنك مش في معدنك وناس واهلك زمان كان الاصل والعزوة والناس كان الاصل ونيس كل غلبان دلوقتي !! جنيهك معدنك شهادتك جنيهك يعني احنا في زمن تقف الرجال خشية لكل من عنده ورق يكتب عليه 100 جنية ولا تقف لرجل يكتب علي وجهة جميل بالعلم والأيمان ولا ابن عز وعنده اصل وجار عليه الزمان يبقي ليه مكان بالعكس فين بقي رجال زمان خلينا يااابلد عايشين في الاوهام !!! ناس لا كانت تعرف ثورة ولا تصرخ في وجهة حاكم !بس اية ولاد الطيبين الاية من طيبتهم وايمانهم بربنا كان ربنا كريم عليهم كان عندهم فتي ولا كل الفتيان كانت وما ظلت سيرتة تشهد به كل الاديان وتحزن عليه كل الابدان وتدمع عليه كل فقير وكل من كان انسان ؟!!مين اسمه كان اسمه جمال وهو جماله طبيعي مش تجميل لا ينفاق ولا يعرف يكون جمال ابن مبارك الفاسد اللي عاش في خير الشعب ازمان وازمان اول ما مسك جمال عرف يخجل كل الخرفان ويجيب حق الفقير من الاقطاعي والجبان لا كان يعرف الخوف ولا الخوف كان يعرف جمال هما دول رجالة زمان تركوا البلد وفوض امرهم للواحد الديان لا وقفوا في شارع ولا قطعوا اشارة ميدان هما دول اولاد النااااااااااااصر اللي ماكان ولا عاااش في يوم جبان ودلوقتي في رعاية رب الاكوان
نيجي لبتوع الميدان وشباب هذا الزمان ضيعوا البلد وبدل ما يزرعوا ويحصدوا نايمين وعايشين في احلام الميدان !!!! وبلدنا ليها رب كريم اسمه الحنان المنان يحفظه من شر كل الاذمان تحياتي ورحمة خالدة علي رجال واهل زمان ودعاء مني ان يصلح احوال شباب هذا الايام وجيل هذا الزمان
-بقلم أحمدجلال البدرماني
0 تعليقات:
إرسال تعليق