ياه على الدنيا ماتيجي نشوف
سرقة كبيرة علي المكشوف
بنت جميلة سرقة باشا
سرقة خزنة الفلوس
صدمه كبيرة صدمة ادم
سرقة حوا للفلوس
قالت له يادم بص وشوف
مين حرامي ومين بيلوص
مين بيفكر فينا يادم
في اكل ولبس وشرب ونوم
قبل ماتحكم عليا يادم
شوف في الاول ساكنه فين
ساكنه في شارع الغلابة
بيوت مبنيه من البوص
فينا جعان وفينا عطشان
ونص الشارع ماشي بلبوص
انا مش بسرق ابني مصنع
ولا علي الناس افضل ادوس
انا مش بسرق زي التاني
والا بهرب الفلوس
والا علي كرسي افضل اكل
ولا من الحمه بربي كروش
بص يادم بص عليا
بص في لبسي بص وشوف
اسرق واستر نفس يادم
والا امشي في سكة بعيدة
طبعا سكة عارفها يادم
ويكون لحمي كده مكشوف
انا مش يسرق ليا يادم
والا محتاجة ابني بيوت
خليك فاكر مهما تحوش
ان الدنيا اخرها الموت
احكم يلي عليا يادم
زي ما قال الكتاب
وعايزك تعرف مين حرامي
واللي هيتحاسب حساب
اللي بياكل فول بطحينه
والا اللي بياكل كباب
جيتوا عملتم فلم علينا
وانتم اتريكم عصابات
منكم فيكم الحرامي
وكبيركم دي كان شحات
أظن الرسالة وصلت ............
0 تعليقات:
إرسال تعليق