غادة عبد المنعم
قرأت خبر يقول رئيس جامعة القاهرة يفتتح وحدات جديدة بمستشفى أبو الريش للأطفال عجبنى الخبر جدا لأن مستشفى أو الريش للأطفال أمامها شارع عرضه متر ونصف تقريبا بس والمرور من أمامها يحتاج لساعتين ومفييش مكان لكى يتوقف فيه التاكسى أمامها ولا لكى تركن فيه العربات ولا حتى لكى ينزل فيه المرء من الميكروباص والمرور أمامها مشكلة المشاكل يعنى هى أصلا مش ممكن لها استقبال الأطفال بوحداتها الحالية بسبب غلق الشارع الموجود أمامها بسبب الزحام يقوم بدل ما يفتتحوا الوحدات فى مستشفى قدامه طريق واسع شوية يقف فيه الباص ولا التاكسى ولا ممكن يركن فيه أهل الطفل لو جايين بعربيتهم لأ عيب أمال يبقوا مجانين إزاى .. لازم يروحوا يزودوا الوحدات فى مستشفى أبو الريش فى تصورى كده يبقى أكيد بقى حيعملوا ليها طريق طوالى كوبرى بيودى على الدور التانى عدل يعنى لو ابنك أو بنتك بعد الشر تعبوا تقوم واخد الطريق اللى فوق البيت بتاعك (أى بيت من بيوت العيانيين) لحد الدور التانى فى مستشفى أبو الريش عدل بياخد ييجى دقيقتين طيران فى الهواء من أى مكان فى القاهرة أو الجيزة وكل ما يلزمك هو طيارة أو براشوت لأن الكوبرى بتاعهم هوائى لا يمكن للعربات السير عليه الطريق على طول مباشر طيران للمستشفى
0 تعليقات:
إرسال تعليق