سامية بكرى
انبهار كانت ارملة في الخمسة وخمسين بس لسه مزة وحلوة ومحافظة على صحتها ولياقتها اتجوزت بعد ماترملت 4مرات 2 رسمي و2 عرفي وكلهم كانوا عن طريق التعارف على الفيسبوك ولما زهقت بعد اخر طلاق وحست ان كل اللي عرفتهم نصابين وطمعانين في فلوسها قررت تروح تحج ولانها متعرفش اي حاجة عن الموضوع ده صاحبتها سهر خدتها عشان تتعلم وتعرف المناسك على ايد الحاج محمود وقعدت تشكر لها في علمه واخلاقه وتدينه
اول ماشافته اتفاجئت مكنتش متوقعة انه راجل مز صوفي معاه دكتوراه في الاقتصاد ولابس بدلة شيك وكرافته اشيك
وهو قاعد يشرح لها المناسك كانت هي سرحانة وبتفكر في الارتباط بيه والغدة المززية بدأت تنشط عندها همست لسهر هو ليه بروفايل ع الفيس راحت زاغدها اسكتي مالوش في الحاجات دي قاللتها طب تويتر او حتى اليوتيوب؟
اسكتتها سهر بزغرة وواصل الحاج محمود شرح المناسك
لم يكن بينهما سوى رقم تليفونها الذي تركته له لانه هيكون في الحج السنة دي وممكن تنضم لمجموعته هناك
بالليل جالها رسالة من الحاج محمود تحجي السنة دي والاتتجوزي؟
ردت باب ربنا مفتوح على طول
مفهمش كرر سؤاله
تحجي والا تتجوزي؟
قالت له
ماينفعش الاتنين؟
قالها ماينفعش
قالت له انا شايفة ان الحج السنة دي خطر على صحتي خليني للسنة الجاية بقى
0 تعليقات:
إرسال تعليق