لو الظُلم ... كبر

عبدالستار زيدان

لو الظلم ... كبر
يبقى الحق . تلزمه قوّة
تلوي دراع الظالم . وتفكّره
بس مين ... هوّه
وقوت ولادك ها تلاقيه
بين أنيابه .. من جوّه
لو الظلم ... كبر
يبقى لازم فيه .. وقفّه
بعدها عيد . وفرحه ولهفّه
وترجع يا غريب .. لدارك
وتنوّر من تاني .. الزفّه
وترجع لك ضحكتك وتجلجل
ولا بفقرك . تموت م الكسفّه
لو الظلم ... كبر
ها تعلى معاه ... الآهات
ها نغزل منها توب حريتها
ونخلصّها من حشرات
وسوس بينخّر في أثاثها
وعاملين فيها .. باشوات
وان دورت في أصله
تلقى أمه كانت ...
بتبيع كًرّات !!!
لو الظلم ... كبر