لا يوم ولا شهر صرلي سنين
ناطرة حروفي تعانق حروف كلماتو
من كلماتو بفوح عطر الرياحين
جنن الفراشة عا عبير عطراتو
بالعسل والسكر معجونين
وغير بالخفة ما بتنوصف دماتو
مثل السحر وعا بداخلي الحنين
تارجع دوق من شهد عسلاتو
من غير ما أشعر بنطر منو كلمتين
تايرتاح القلب وتهدا نبضاتووو
القلب والروح من العين مبسوطين
لانها بتسعدهن بقرايه كلماتو
هالأسمر ياللي زنوده عالشمس مقمرين
ياللي خلى القمر بغار من سحر نظراتووو
لأنو اللي بشوفه بقول بعده بالعشرين
مع اني كبرت ووعيت عا عشق كلماتو