أخدت ايه ..

‏

الشاعره شاديه ياسين‏

بتقول حبيبتك لا بجد ضحكتني
صحيح أستاذ و بغدرك ياما علمتنى
تلميذتك فهمت ألاعيبك خلاص و بقت تمام
و الدرس خلص و جه خلاص الأمتحان
و لازم تجاوب مفيش هروب و لا كلام
سؤالى الأول ؟
جرحت قبلى مين و كام؟
و سؤالى التانى؟
أخدت أيه من الأنتقام؟
و ليه ضميرك ميت فيك و من زمان ؟
ياريت تجاوب و بلاش تذوق فى الكلام 
ظلمت ليه و خنت ليه قلبى اللى صان!!
الورقه فاضيه معقوله ناسى كل الكلام !!
و لا أتفاجئت قد أيه إنت جبان !!