" دم الشهيد غالى "..للشاعر سمير احمد القط

مين اللى قال ان الوطن

 دمه رخيص

مين اللى قال ان الولد

 يموت فطيس

مين قال ان الشهيد

 مات وراح

لو موتنا فاح وانتهينا

روح الشهيد باقيه وبريحة

مسكها عطر وبراح

دم الشهيد بيروى

كل زهره حلوة بتبتسم

دم الشهيد نبع فى صموده

 والصورة لسه بتترسم

تعلن صمودك ...تعلن جمودك

 تعلن تحدى

مافيهشى حاجة بتتقسم

دم الشهيد

فى كل قلب ليك

لسه بيندهك

نوافير تفور

طالبه الحضور

طالبه القصاص

وادى رئيسك

لسه ماشى بيبتدى

لحظة شموخ العزة

وقت الانتصار

وفارد اديه بيعزى فيك

الاحتضار

بيعزى فيك لحظة خمود

لحظة جمود لحظة طناش

الحق فى وقت النهار

وادى رئيسك بيقول ويحلف

انك بطل وبالتمنى نفسه

يكون مكانك وقت

الشهادة والانتصار

وادى رئيسك مادد ايديه

والخطوة منه خطوتك

مافيهاش فرار

ومصر صوتها عالى  بيندهك

تاخد حقوقك كلها بالعدالة

والقصاص ..تاخد قرار

انت الشهيد وكل مصرى فينا

يشهد انك بطل

انك فديته وانه فى يوم

هيكون مكانك وف جنتك

عايش بيضحك من فرحته

 بقرب المسار