حبيب الروح .............. بقلم / منى حسن عيسى

***حبيب الروح
*************

لوقلت اى كلام ولايوفى احساسى
ولو دورت عليه فى كل مكان
ما الاقى اللى يوفيك حقك ياللى ناسى
كل كلام الهوى والغرام مش قد مقاسك
لو لفيت العالم وحكيت مع كل عالم
ما لقيت حروف تتجمع وتقول ايه احساسى
يا كل شاعر وصاحب موال هاتولى كلام
عمره ما تقال يوصف حبيب عاشق
اصل حبيبى فى موال العشق
يتغنى بيه كل اللى عايش بنفس احساسى
يا اهل الهوى والغرام الاقى فين الكلام
ريحونى تعبت سنين طوال الف ودور
هو الكلام حرام ولا الغرام اوهام
ولا ترانيم سحر تايه فى بحور الغرام
يا صيادين الهوى غزلكم شابك فى رموشى
ارمو شباك الهوى وهاتولى حبيبى قلوله
عيونه خطفونى وما بيرحموش
رمانى فى بحوره غريقه انا
ومين يعلمنى العوم
وانا عمرى ما نزلت بحر الهوى فى يوم
ياعينى عليك ياللى تعيش عمرك محروم
تبات حيران ويا الهموم ومن نسمة هوى
جايه من بحر الغرام تناجى ضى القمر
نوره مفروش فوق الحنين تهنى قلوب العاشقين
عينى عليكم يا اهل الهوى فى الغرام مساكين
وقلوب الاحبه ولا بيكم داريين
................................
منى حسن عيسى