مهما الألم زاد أنا ليه فيكى براح
حطك لقلبى زاد وناسى اى جراح
ماانت اللى ليه وكنتى ضمانى بحنانك
وفى الدنيا كنتِ ميعاد رسمنى بالافراح
ياحبى والحب كلمة ...قليله ماتكفيش
ياقلبى والقلب مُضغة... جدارها مايساعكيش
ياروحى والروح دى صعبه.. تدوم كده وتعيش
انا مهما كتب بقلمى ...حروفى ماتوفّيش
ياقلب قلبى الحنين والنبض مقسوملك
أسمع لصوته هنا القاها كمان بيضمك
يصرخ بشوقة آه ...تترد اهاتك
ويزيد كمان فى نداه تجريله ويعُمك
ياحبى اللى كان واللى جاى يامسمسمة ردى
جالنا النسيم بالضى طالب كمان ودى
فارد شعاع الشمس نفسه يدفينا
ويلم شمل الاحبه شدى الايدين شدى
ياأم الجمال الوان والشكل والمضون
فيكى العنين دى جنان والشفتين دى فتون
الرحمة ياست الكل ياطيبة هَدِّى
أنا العاشق ياأم الحسن وقالوا عليه مجنون
0 تعليقات:
إرسال تعليق