فضفضة

هويدا عطا

ذنب مين ياترى ؟؟؟
ذنب مين اللى جرى
وهل ترى ...الاهمال 
هو اللى جبنا ..ورى؟؟؟
عاوزة اعرف .ذنب مين؟؟؟
ليه ...بنستنى 
لغاية مايهدموا الجنة 
وتبقى دمار وجحيم
وبعد كده 
ننعى حظنا ...ونتغنى
ونقول امين..امين
دى ....اثارنا 
مالهاش فى الدنيا مثيل 
ليه من الاول..يامسؤولين
عن امن بلادى 
منكونش... حذرين ..متيقظين

من عدو غادر...فاجر ماكر
استغل ...ولادنا الجاهلين
لاجل ..مايكسر قوتنا 
ويفرق ...لمتنا 
ويقضى على حلمنا الكبير
ليه منحرسش متاحفنا ومجمعاتنا بالف عين
ونحمى ارواحنا ..بالف مدفع وجندى وامين
مش عارفة ليه وازاى وذنب مين؟؟؟
ليه الاهمال بقى طابعنا
والبكا بقى سلاحنا 
بدل الانتصار فى الميادين
لازم نشد حيلنا
اكتر من كده
لازم نفتح عيننا 
على ده واده
ونفرق مابين الخاين 
واللى بيفدى بروحه مصر فدا
لازم تكون همتنا اكبر قوتنا اكبر...حسنا
نخلص لبلدنا ...ونخلصها من كيد العدا
باسرع مايمكن
قبل ولاد الايه
مايخلصوا 
على فرحتنا وممتلكاتنا
وكل مصرى بيعلى فى اسمها
وااااه ياغلبى