طب أيوة طفلة

كل يوم بيعدي وأنا جانبك باحس إني ملكت الكون
هافضل أقولك يا حبيبتي وده أقل ما يكون
أنا قريت شعر كتيير وقعدت أدور في الفنون 
مش لاقي أي كلمة تعبر عن حبي المجنون
مرت سنة على حبنا ووراها كمان كام سنة
قالولي حبك طبيعي هيقل والطلبات هتخليك تمل
لقيتني فعلاً اتغيرت وسنة ورا سنة 
حبك كبر ووصل بيا لفوق في السما
ولما باخرج مع اصحابي ألاقيني سارح افكر فيكي
ولما باقعد أكل الاقيني عايز أقسم أكلي معاكي
واقول ياريتني كنت لغيتهم وخرجت يا حبيبتي معاكي
غصب عني لما يا روحي بتخرجي أمسك تليفوني واكلمك
مش بمزاجي قلقلي عليكي بتوحشيني وبتوحشتي قعدتك
لأ وكمان بعد كل الحب ده 
تيجي تقوليلي بتعاملني زي طفلة صغيرة
طب أيوة طفلة وصغيرة وحبيبتي وحتة سكرة
طب أيوة طفلة وصغيرة وحبيبتي وحتة سكرة
طب تعرفي أنا هاقولك على كام حاجة صغيرة
أنا كل يوم لازم أصحى اطمن عليكي
صيف شتا لازم بأيدي أغطيكي
وأي حاجة تقولي بس نفسي فيها
أنزل علطول وما ارتاحش غير ماألاقيها 
ولو تعبتي بتلغبطيني وأفضل ادعي يارب اشفيها
ولسة بردة بتقوليلي أنا مش طفلة صغيرة
طب أيوة طفلة وصغيرة وحبيبتي وحتة سكرة
مع أرق تحياتي
هاني سيد أحمد