قولّي .. سعّرك
النهاده كام !؟
يا دمّ يا مصري ...
يا عطر الجنة ..
لوثّتك حريتك ..
وأخلاق الزحّام !!!
يا دمّ يا مصري ...
هانت عليك نفسك ..
حكّام ، ومحكّومين
أشلاء . بين الرّكام !!
يادمّ يا مصري ..
فين حلاوة اللّمّه ..
المروة ، والجدّعنة ..
والسّند وقت الحّطّام !!
يادمّ يا مصري ...
شوفت في المنام ..
مينا دانيال والشيخ عفّت
في الجنة .. بسلام !!
يا دمّ يا مصري ...
لونك . طمي نيلك ، وسماك ..
مآذن أبراج كنايس ..
وغيّات حمام !!
يا دمّ يا مصري ...
يا ابو قلب طيب ..
فين السمّاحه بعد البجّاحه ..
ومرارة الخصّام !
يا دمّ يا مصري ...
بيقسّموا دارك ..
بعد ما بعته .. لقوت نارك !!
وباركت الإنقّسام !!!
يا دمّ يا مصري ...
قولّي سعرك ..
النهارده . كام !!!؟
**********************
عبدالستار زيدان
0 تعليقات:
إرسال تعليق