ضُم روحك لمْ يأسك
من حواري الشوق وعيش
اكسب انت وبس نفسك
تلقي كل الكون مفيش
لملم الأشواق ف أنُسك
وانسى ايام ماتساويش
إوعى لحظة فيها تزعل
والليالي تضم خوفك
إوعى قلبك مرة يقبل
تكسر الأحزان سيوفك
كن مقاتل زى عادتك
خلى حب الله عبادة
قول ياربي نجّي عبدك
واملا أيامي بسعادة
قول يارب وهو يسمع
كون مطيعه يكون مجيبك
إندهوا وقلبك بيدمع
يجعل الأفراح نصيبك
قول لروحك ماتخافيش
لملم الأيام وسيبك
من حواري الشوق وعيش
::
0 تعليقات:
إرسال تعليق