ملوي - بقلم : محمود حسن السبروت
صحفي وناشط حقوقي
الــتدخيــــن
التدخين من حقي ياعالم
التدخين من حقي ياهوه
مزاجي وكيفي وعنه بدفع
حد بيدفع من جيب ابوه
صحة تمام أو عيان
حد اشتكى للي جبوه
مفيش نص انه حرام
وشفنا عُلَما بيدخنوه
وكل واحد حر فنفسه
مش ناقصه ياخلق ياهوه
انت بتقول عـ التدخين
شوف الـ الناس بيعملوه
*=*=*=*=*=*=*=*
التدخين من حقك فعلا
لما يزود في الحسنات
التدخين من حقك أيوه
لو تقبل بيه الصلاوات
التدخين مكروه وحرام
اولا بحقه دار الايتام
حرية غيرك تمنعها
وبتناشد بالحريات !!
مش طيب؟يبقى خبيث!
والنص واضح لليقيس
وشاكي الربو لما يشوفك
يبقى أكيد حظه تعيس
ريحه كريهه زائد دخان
والحاضر منك تعبان
ترضى لبنتك أو لحفيدتك
في الشارع ينفخوا دخان
او في البيت مع جدتهم
بيدخنوا خلف الجدران
ليه تتكبر وانت عارف
فعلها لا يرضي الرحمن
تشربها من غير ماتسمي
ومش بنسمي على حرام
وتحت نعل الجزمة بترمي
ولو دي نعمة يبقى اجرام
والـ عايز رضا الحنان
يتحلى بتقى الرحمن
مش يبص على انسان
عمله يمنعه من الجنان
تنصح غيرك بالاحسان
اجعله لنفسك من الآن
فاُذنك أول من يسمعك
كن مجيب نصح اللسان
0 تعليقات:
إرسال تعليق