ارحل يا قاسى

محمد صبحى عمران

ارحل يا قاسى
كنت فين لما البكاء تعب عنيا
لسة فاكر وجاى انت تسأل عليا
ومن قساوتك
بتزيد فى جرحى وكنت فاكر انت ال ليا
فين وعودك ولا نسيتها يا نور عنيا
ولا الحكاية خداع معايا
والحكاية نفس الحكاية
والرواية هيا هيا 
والابتسامه ع الشفايف
ديما تقولى هى ليا
طلعت قاسى ومن المأسى
عمال بقاسى من حياتى ومن الأسيا
كنت فين لما البكاء تعب عنيا
ولسة فاكر وجاى أنت تسأل عليا
غدار وفاكر ان قلبى لسه فى ايديا
قلبى ال حبك حطمته أنت قدام عنيا
تبعد وتهجر وتبيع حبايبك 
ولما ترجع بتلوم عليا
مش كل حاجة المال ياروحى
وتزيد جروحى فاكرنى أنسا كل الأسيا
وعشت حزنى بدمعه دافية 
مابين رموشى وجفون عنيا
وطلعت قاسى ولسة جاى تسأل عليا
ظالم حياتنا يالى مرحمتش عنيا
ولسة فاكر ان قلبى لسة فى اديا
كنت فين لما البكاء تعب عنيا
لسة فاكر وجاى تانى بتلوم عليا
ياحب عشته من جوة قلبى
ولا كنت أنسى يوم عطفك عليا
وطلعت خاين كمان وبايع
وسرقت منى حبى وحنانى 
ولسه راجع تسأل عليا
يالى مرحمتش عنيا 
لسة فاكر وراجعلى تانى تسأل عليا
قلبى ال حبك زمان وصانك
بيقولك ارحل خليك مكانك
غدار وقاسى و بناقص حنانك