وآآآآآآآآه ياوطن

للشاعر المصرى سمير احمد القط

وآآآآآآآآه ياوطن من اللى هواك 
وكان معاك
 نفسه تكون له اعلى م السما 
وآآآآآآآآه ياوطن م اللى باع 
وخان وضاع 
وقال مافيش فى قلبى صوت ينادى الا أنا...
وآآآآآآآآآآآآآآآه ياوطن م اللى اتهبل 
وشاف جبل وقال عليه
 ده حته والله م الحجر
وآآآآآآآآآه ياوطن م اللى خان
 وبدون اوان باع فى ارضه للغجر
وآآآآآآآآآآآه ياوطن من دم سال 
وقال محال ...نعيش وانت فى الخطر 
وآآآآآآآآآآآه ياوطن م الشهيد 
وكان مريد عايش فى حبك وانفطر
وآآآآآآآآآآآآآآآآآآآآآه ياوطن م اللى داس 
وبفمه باس ...يعبد فى عبده للطمع 
وآآآآآآآآآآآآه ياوطن م اللى استباح وقال مباح 
القتل حتى  فى ايام الجُمع
وآآآآآآآآآآآآآه ياوطن م اللى شاف 
وقال بلاش ...اخدم عدالة البشر 
وآآآآآآآآآه ياوطن م اللى زاغ
وبايده صاغ ....خطه لاعوان التتر
وآآآآآآآآآآه ياوطن م اللى اتجرح 
 وصرخ ولَح يطلب فى حقه من زمان 
وآآآآآآآآآآه ياوطن م اللى اعتلى 
ونهب وعَلا يسرق ويلهف ف البابان
وآآآآآآآآآآآآآآآآه ياوطن م اللى فطن 
وقال دى خطة ابالسه من زمان 
وآآآآآآآآه ياوطن م اللى اتخدع 
ولا اتردع ....يرهب فى ناسه والجيران
وآآآآآآآآآآآآآآآآه ياوطن م اللى اتقسم 
كما اترسم بادين ابالسة امريكان 
وآآآآآآه ياوطن م اللى اتلهف 
وجرى ولف ...يسعى لحتفه بالهوان