ســهــــــــــم الــهــوى

‎‎الشاعرة أمان الله الغربي
‎
سهم الهوى صابني في سمايا
سابلي جراحه عايشة معايا
نزل وخلى عمري ضايع 
ونزفه يصرخ من جوايا

كسر الجناح من كسر الخاطر
زمن غدار واللعب شاطر
تقسى العيون والقلب فاكر
من برة ينطق ومن جوة ساكت

هناك كتبت ممنوع اللمس
حروف حبيبي في عين الشمس
رفت رموشها شوق وهمس 
وضعت أنا بين بكرة وأمس

ليه الفراق سجل بخوفي
من غير ما يسأل عن ظروفي
يفهم حنيني أو حتى شوقي
اصحي يا طايرة من الحلم فوقي 

هو ده سر الحياة لو ع الأرض أو في السما
كله يدور ضحكة وهنا
ميش فارقة إنت وإلا أنا