ونزل الشوارع ووقف قدام المدرعات
واللهم اجعله خير كان بيهتف سلمية سلمية
والأعداد كانت بتزيد ثوار على ثوار .
وكان فيه ناس من كل حتة فــ مصر
وفي الحلم كانت الصورة تفرح الناس مع بعضها حاجة جميلة مفيش كلام
إشي بقميص وبنطلون وإشي بجلابية وإشي ببدلة
وإشي بدقن سكسكوكة وإشي بدقن ع السنة
كانت الناس كتير أوي حضرتك يا دكتور مسلمين على مسيحيين صعايدة على فلاحين على قاهريين على نوبيين على بدو متعلمين وأميين سلفيين وإخوان وعلمانيين وليبراليين
قلبهم بيدق مصر وصوتهم بيهز الأرض وكان عندهم ثبات غريب بفضل رب العالمين
فيه ناس منهم استشهدوا وأمهاتهم كانت بتزغرد وهي بتعيط عشان مصر.
والريس اتخلع تحت الضغط والنظام اتغير.
ده كل الحلم
آه بس نسيت حاجة رغم الصورة الجميلة في الحلم كنت قايم م النوم منزعج ومش مبسوط رغم فرحتي الكبيرة طول الحلم لكن قمت مزعوج.
يا ترى إيه تفسير الحلم ده يادكتور؟!!!
عشان نفسر الحلم
نزور قبور الشهدا ونسألهم
مع أرق تحياتي
هاني سيد أحمد
0 تعليقات:
إرسال تعليق