أنا الفقير الغلبان

أنا الفقير الغلبان ,,,أنا ,,,

أنا المتنشق على لقمة ,,,متيبسة ,,,

معجونة بالضنا ,,,,,

أنا اللي مستعد أشرب مية ,,متسممة ,,,

من حر العطش والظما ,,,,,أنا,,, أنا ,,,

أنا المتلهف على هدمة ,,,متقطعة ,,,,

لميت حتة ,,,وأرقعها ,,,بالهوا ,,,أنا,,, أنا ,,,

أنا اللي بستنجد ,,,,ولو بالخيش غطا ,,,,

ولو ممسوحة بيه الأرض ,,,مهو أنا ,,,,

كرامتي تحت الأرض ,,,,متمزقة ,,,,

أنا اللي متكتف ,,,في حضن الخوف ,,,,

والنوح ,,,,والموت ,,,,شوف كام سنة ,,,,,

لا بل شوف ,,,دي قرون ,,,والعهد كما أنا ,,,,

أنا ,,,,أنا ,,,,

ولما يجيني شيطان ,,,لابس توب الملاك ,,,

وحامل طوق النجاة ,,,لو مهما قل وكان ,,,,

حاجة صغيرة ,,,,,

للغلبان والجعان ,,,,هتكون ,,,حلم وأمان ,,,

وجنة الهنا ,,,,,,

ويقلي أديني صوتك ,,,وأنا أمسح كل خوفك ,,,

وأداويلك جروحك ,,,,وتشوف بيا الرضا ,,,,,

مش بس أوهبله صوتي ,,,دا أنا أبصمله بكفوفي ,,,

وأهتف من حضن موتي ,,,تعيشي يا النجاة ,,,,

ولو قلي كلمة حلوة ,,,ولا حن بنظرة ,,,,ولا بكاني بدمعة ,,,,

كني ملكت الدنيا ,,,,وأشوف إني أنا ,,,,

ليا وجود ,,,,وقوة ,,,,,وحياتي المرة حلوة ,,,,,

وأموت علشانه ,,,هو ,,,,اللي أحياني أنا ,,,,

متلمش فيا ضعفي ,,,يا اللي مدقتش جرحي ,,,

ياللي معشتش زي ,,,مدفون بالحيا ,,,

متقولش ,,,دا سطحي وهمي ,,,

باع نفسه ,,,,رخيص ورسمي ,,,

دا الغالي بحالة عندي ,,,, والمحروم منه أنا ,,,

لوم اللي لعبوا عليا ,,,وعرفوا الضعف فيا ,,,

ورمولي عظمة طرية ,,,,تقوي نباحي أنا ,,,,

لجل ما يبعدوا عنهم ,,,اللي يقربوا منهم ,,,,

ويحاولو يخدوا منهم ,,, كراسي السلطنة ,,,

وبعدوا ما نالوا مرادهم ,,, من تاني نسيوا فقيرهم ,,,,

ولعبة مكشوفة منهم ,,,لكن لو عادوا بخيرهم ,,,

هرجع واهتف عشانهم ,,,, حلاوة روح ,,,,من المدبوح ,,,

مبترجعش فيه الروح ,,ولا بتداوي حتى جروح ,,,,

لكن دي صرخة روح ,,,,بتروح ,,,,وكان نفسها ,,, تفضل هنا ,,,

داليا الحسيني