عشانك يا أمي

بقلم ضياء الإدريسي


برغم احترامي لكل الحضور
رح ادخل واشارك واعارك واثور
أرقص حروفي مابين البحور
عشانك يا أمي يا أجمل ملاك
عشانك يا عمري يا بحر الحنان
بلاقي ف حضنك معاني الأمان
ودايب ف حبك وعارفة كمان
أفارق صحابي وأفضل معاك
بشوف احترامي ف نظرة عنيك
بحبك وعاشق للمسة اديك
وروحي تروحلك تسلم عليك
تقولك بحبك وبطلب رضاك
وبطلب وجودك يا أجمل وجود
ح عيشلك وح زرع ف أرضك ورود
زهر الجناين وورد الخدود
وعارفة حبيبتي ، حياتي فداك
وعارفة احترامي لشخصك كبير
يأجمل  أميرة  وإمارة  وأمير
بحبك  بحبك  بحبك  كتير
وح زرع حنيني وشوقي ف سماك
ح نور دروبك بشمع الحنان
وأزرع حبوبك ف أرض الأمان
يا بسمة فؤادي  يا لحن الكمان
يا قلب احتواني وقلبي احتواك
ولما بتدعي لربي الحليم
عشان ابقى ظلك يا ست الحريم
محال انسى فضلك ياشبه النسيم
ف قربك نجاتي ف بعدك هلاك

بحبك وهرسم هوايا ف عنيك

وهكتب ف قلبي حروفي بأديك

وهحلف بربي وشوقي اللي فيك

بحبك بحبك يا أجمل ملاك

-->