أمي السعادة هِيّ
أول ما شافت عينية
يا كلمة حلوة بين شفايفى
جمالها بيبان من ملامحي
يا َطلعة شمس نور نهار
يبات البدر فــ انتظـــار
كل الحنان انتى يا أم
من كل دقة فى قلب أم
أصل الوجود منك أنا
تملى الحياة حب وهنا
يا حضن القلب جوا دمى
تضحى الليل وتشيلى همى
يا ضحكة طفل بين صغار
يغنى ماما ليل نهار
الدمع طفل فـ حضن أم
بير ارتوى ِزِم ِزم
مروة وصفا حب الضنا
سعى السنين ابنك أنا
يا دعوة صافية الصبح بدرى
تجعل صباح الخير وتجرى
يا نجمة دايرة ف المدار
سكر يدوب يروى المرار
الحزن جرح ف قلب أم
طفل اترمى ف البحر يم
تجرى تضم ابنك هنا
عهد المحبة يضمنا
يا ضى الليل وتصحى فجري
طوق النجاة مـ اليتم أمى
يا جوه الروح سكن ودار
برد وسلام تطفّى نار
يا أما الوطن على اسم أم
دى مصر أم ونيلها دم
أغلى الاسامى ف أمنا
نبع الحروف من دمنا
يا غنوة حب باسم أمى
تسحر قلوب الناس تغنى
يا شمعة أيده فـ الفنار
فرحة وتهانى فـ كل دار
وصى الحبيب على فضل أم
أمى أمى ثم أم
يا حبيبتي يا كل المنى
عيدك دَ عيدنا كلنا
ليست هناك تعليقات:
إرسال تعليق