ومشتاقة لحضن يضم ..
مفيش بعدك يا أجمل أم ..
تشيلي ف العيون همي ..
تداوي جرحي وتسمي ..
ولو شوفتي وجع قلبي ..
بتتمني ..
يكون فيكي ..
وخير الكون حدايا يُعم ..
تصلي الفجر تدعيلي ..
تقيد الدعوة قنديلي ..
ونور الجنة من فوقي ..
ومن تحتي ..
ريحان الجنة يندهلي ..
تناديلي ..
أسابق بالحنان قلبي ..
وحضنك إنتِ بيلبي ..
وكل دموعي بتشيلي ..
رضاكي من رضا ربي ..
وحبك .. شامة وف قلبي ..
حنانك .. يجري ف وريدي ..
رضاكي يا أمي يوم عيدي ..
خديني تراب عليه تمشي ..
وأشيلك نور على رمشي ..
ولا نمشي ..
وأزيد الحب وألبي ..
دعاكي .. نور غاسل دنبي ..
ياأجمل حضن ف حياتي ..
منى عمري ..
تعيشي العمر ده جنبي ..
ليست هناك تعليقات:
إرسال تعليق