يا امى يا غاليه يا امى يا غاليه
ياللى فين ما اروح اناديكِ
يا كل كلمة حب بقولها
بتبقى يا امى عايشه فيه وفيكِ
عارفه يا امى انا فى الغربه عايش ازاى؟؟؟
عايش بجسد من غير روح
لان روحى بتعيش بيكِ
وفاكرة يا غاليه
كباية الشاي
اللى فيها بشوف عنيكِ
بس وحياة اللى جاي
لازم ارجع وبحضنى اجيكِ
يا امى يا غاليه يا امى يا غاليه
ياللى فين ما اروح بناديكِ
عايش الغربه همى كبير
حزنى كتير
ماليش غيرك انتى دوايا
بصحى وانام
وامشى الاقي
ضى هواكِ
هو هوايا
اعمل ايه؟؟؟
.ما انتِ يا امي صبر سنينى.
ضى فى عينى..
انتى هنايه فى عز سكوتي
انتِ امالى فى لحظة موتى
انتِ الناس الطيبه ليا.
انتِ النبض العايش فيا
انتِ ايام الجايه الحلوة
انتى اللحن فى اجمل غنوة
انتى امالى وابتسماتى.
حتى اهاتى فى كل ماضيا
بحلم اشرب منك حلوى.
وارمى همومى وتشربى مري
وتملي عليا الدنيا الخاليه.
واملى عليكِ امالى الجايه
ما انتى نسيم الروح يامايا..
غربة كانت على عينى كفايا
اصبرى راجع.
والله راجع.
راجعلك شايل حنين جوايا
مهما عنك اعيش واتغرب.
برجع تانى ليكِ واقرب
ما انا ماليش غيرك يا مايا
.انتى شمسى وانتى سمايا
انتِ الحضن والدوا لجراحى.
انتِ نورى فى كل صباحى
انتى اجمل ام خلقها
ربى يخليكِ ليا مدايا
ربى يخليكِ ليا مدايا.
ربى يخليكِ ليا مدايا
يا امي يا غاليه يا امي يا غاليه
ياللي فين ما اروح بناديكِ
ليست هناك تعليقات:
إرسال تعليق