امى الحبيبه وحشتينى
بقلهالك
وحشتينى يا قلب حنون
بيملى الكون
وحشتينى
بستنى يوم عيدك
من النجمه اقوم البس
واتمخطر
ابوس ايدك
وعارفه انه يوم عيدك
وعارفه انى ليكى جاى
وحشتينى
وبنطقها باحساسى
وبفتكرك مع بسمه
بشوفهابعينى واحساسى
بشوف صورتك هنا فقلبى
وجايز حقى انى ابكى
وحشتينى
واول عيد بعيد عنى
هناك ارضك
وجنه خلد موعوده
وفيها تكونى موجودة
كما كنتى بتتمنى
وحشتينى
ولسايا على وعدى
اصوم واصلى وادعيلك
برحمه ربنا ليكى
ويارب رب اكون
قدرت اوفى جزء
من فضلك
ومن فضلك تسامحينى
لو قصرت
مانا فى دنيا بتاخدنى
مع احزانها احيانا
واحيانا مع فرحه
لكن دايما انا فاكرك
وما نسيتك ولا حنسى
جمال قلبك ولا حبك
ولا حنيه مالقتهاش من بعدك
وحشتينى
يا امى
مفيش بعدك
ولا حقدر اوفيكى
ولا حكتب كلام عنك
معانى الحب محفوره
فى قلبك
وروح صافيه
ونور فى العين
وحشتينى
وحشتينى
يا ام الكون
مفيش قبلك ولا بعدك
قلب حنون على قلبى
ولا حقدر غير انى ليكى
ادعى
اقول يارب نتقابل
فى يوم الوعد
فى الجنه
ليست هناك تعليقات:
إرسال تعليق