محمود عبدالحميد الحسيني
القضية مش سعر مانجه
القضية معدش فرحه
معدش بهجة
الفقر ماشى ف البلد
شايل كمنجه
و الأمان فى كل شارع كل حاره
بيغازلنا بالطبنجه
...
القضية ان كنت فاهم
الدهب سعر الطماطم
و الناس بترطن بالبراطم
و الكل لاطم
و انت فاهم اننا بناكلها مانجه
...
ما انت عايش برج عاجى
احتياجك غير احتياجى
و الغرق بيحاوطنا ما حد ناجى
و النظام أصبح زجاجى
...
النضافة مش مهمه
تعرف احنا نسينا كلمه
يعنى ايه معنى لحمه
ولا يعنى معنى رحمه
البلد مليانه زحمه
...
و الفساد و الرشاوى
كل ماشى بالفيزتا
و اللى حامى ف الحرامى
بيقسموا سوا الروشته
و اللى قاعد ع القهاوى
كتير تلاقى ف كل حته
...
دعم ايه دى اتاوة بتتفرض
و البلد ساكنه المرض
و الفقير مش الغرض
المهم الحبايب و اللى قابب
و اللى طابب كله بيهم يتفرض
...
و الفقير بيتباع مقاوله
عمره ما داق الفراوله
و لا حتى مانجه عند أولى
خلى بالك البلد وياكوا نازله
...
نازله جامد ف الغويط
و احنا نشرب م المحيط
و الذكى عامل عبيط
مستنى مانجه يا حويط
0 تعليقات:
إرسال تعليق