أن تكون مصريا أثناء الثورة

علا بركات

أواخر 2010:

احمد : بحبك وهاعيش طول عمري احبك وهاموت وأنا بحبك

مني : ربنا يخليك ليا يا حبيبي ولا يحرمني منك أبدا هاتقابل بابا أمتي ؟

احمد : أول ما اقبض الحوافز أخر الشهر عشان أجيب معايا هديه تليق بيكي يا حبيبتي

يناير 2011:

احمد : إنا تحت أمرك يا عمي شبكه وجهاز وعندي شقه هاستلمها في شهر مايو الجاي والعفش زي ما تحب يا عمي

أبو مني : إحنا بنشتري راجل يابني

احمد : وأنا شاري مني يا عمي ومافيش أي حاجه في الدنيا هاتفرق بينا

يوم الاستفتاء :

أبو مني : إنا قلت نعم عشان بعد كام شهر يبقي عندنا دستور كويس والمجلس العسكري يرجع ثكناته ويجي رئيس بسرعة

أم مني: وأنا قلت نعم عشان سنتنا تبقي خضرا وحياتنا كلها تبقي خضرا

مني : وأنا قلت نعم عشان البلد تستقر والبلطجيه يتلموا والأمان يرجع تأني لمصر

احمد : نعم يا أختي .. إنا بقي قلت لا عشان كل اللي انتو قلتوا عليه ده يتحقق

يوم الفرح :

احمد: بحبك يا مني.. لو كان عندي عمر تأني غير عمري كنت وهبته عشان أسعدك يا حبيبتي

مني : الحمد لله ربنا حقق لي كل أحلامي بيك يا حبيبي

يوم الجولة الأولي للانتخابات :

مني : انتخبت احمد شفيق لأنه الوحيد اللي ممكن يرجع الأمن للبلد في 24 ساعة زي ما قال

والد مني : ليه يابت كده .. إنا انتخبت أبو الفتوح عشان راجل إسلامي ليبرالي معتدل .. هايرجع لمصر تاريخها الكبير

أم مني : ليه كده يا حج ؟؟ مانتخبتش محمد مرسي ليه زيي علي الأقل راجل صريح والإخوان ليهم تاريخ طويل في ألمعارضه ضد الرؤساء كلهم وطول عمرهم في المعتقلات

احمد : إنا حاسس إني في كابوس .. إنا انتخبت صباحي علي الأقل واحد مننا

يوم إعلان نتيجة الجولة الأولي من انتخابات الرئاسة :

أم مني : شفتوا بقي .. اختياري إنا كان صح.. الشعب انتخب الإخوان لأنهم الأصلح مش تقولي أبو الفتوح اللي استقال من الجماعة عشان الكرسي

أبو مني: كده ؟؟ طيب روحي وأنتي طالق يا أختي

مني: ليه كده بس يا بابا.. مش دي حقيقة إن احمد شفيق ومحمد مرسي هما اللي فازوا يعني إنا وماما كان اختيارنا صح وعموما مش فاضل دلوقتي غير مرحله الاعاده وها ننتخب احمد شفيق برضو

احمد: يعني نقوم بثوره عشان نشيل نظام وأنتي وأمثالك ترجعوه تأني ؟؟ ليه بقي كنتوا بتنضفوا تحته ؟؟ هاتنتخبي احمد شفيق ؟؟ روحي وأنتي طالق يا مني

في مكان راقي جدا :

احمد شفيق يحتفل .. محمد مرسي يحتفل .. لا احد منهما يعرف بأمر مني وأم مني