الطويل !!!
ملّيت الحياة ولّا
ملّيت شجن ...
المواويل !!!؟
و النواح على المسكوب ،
و أيام ماشية بالمقلوب ،
و ما عاد لي حيل !!!
غُلبت أهاتي و ادادي
و أيام جايّه لولادي
الفكر فيها .. ضئيل !!!
و صوتي راح ف الهيصه
و الشريفه بقت رخيصه
و الكرم .. بقى بخيل !!!
و الرجوله صنعّه معموله
و المصالح خدمات موصوله
و هاتروح فين .. يا عويل !!
و الرأي الآخر . ارهاب
و طال الحق .. كدّاب
متطرف عدواني عليل !!!
و كدّاب الزفّه .. بخير
يبيع الملك .. للوزير
لو الدولار .. بالكيل !!!
و دخلنا .. سباق التسليح
و تفجيرات بالناس تطيح
و ليه كده .. يا زميل !!!
اشتريت الدنيا .. بالدين
قهرت الولد والوالدين
دبحتوا.. طهارة النيل !!!
يا مشوار الحياة .. الطويل
ملّيت الحياة و ملّيت ..
شجن المواويل !!!
=============
عبدالستار زيدان