هاخد بالى منك
بتحبنى حقيقى؟؟
ومين ميحبش نفسه
بتخاف من ايه؟؟
بخاف لاصحى يوم
ملاقيش عيونك جنبى
نفسك فى ايه؟؟
نفسى اعيش واموت فى حضنك
وانتى
انا
ايوه انتى
انا روحى فيك
وقلبى بينبض بيك وليك
انا عصفور وقلبك عشه
انت جنتى ونارى
وف حبك عشت ايام وليالى
وياريتنى اقدر اسعدك يا غالى
انت الدفا فى ليلة شتا
انت ملجأ لروحى فى وسط العاصفه
انت عايش تحت جلدى
انت الدمعه اللى فى عنيا
انت النفس اللى عايشه بيه
انت نقطة ميه تروينى
انت الدم اللى فى شرايينى
طيب نبقى ايه احنا الاتنين
احنا؟؟؟؟؟؟
ايوه احنا
انا وانت يعنى؟؟؟
ايوه
انا انت وانت انا
مانبقاش اتنين
احنا روح فى جسدين
كلمه ننطقها فى لحظه
فكره تخطر على البال
همسه نسمعها فى ليل عاشقين
انا وانت نظرة عين
مرسومه بين شطين
....................
منى حسن عيسى