ونحزن ليه
مادام لقانا نصيب
بنتلاقى ونتباعد مانعرف
مين هيبقى
ومين فينا ده بكرة يغيب
ونتسامر ونتحاور
ويوم تجمعنا احلامنا
ويوم تقتلنا اوهامنا
ويوم نشرب كاسات المر
ويوم نسعد ويوم نغتر
ويوم نمرض ويوم نشفى
تزيد فينا جراح عايشة
وممكن يوم جراحنا تطيب
واهى ايام ...وعايشنها
كلام بكلام ..نروح منها
يمكن يوم نصدقها
ويمكن يوم تكذبنا
نسير فيها تجمعنا
نغيب عنها ترجعنا
ماهو اصل اللقا واحد
واصل الفراق جاحد
لكن كلنا رافضين
لامر الدنيا ومش دارين
ان ده قدر مكتوب
وكله نصيب
0 تعليقات:
إرسال تعليق