قصيدة "خطاوى"....الشاعر سمير احمد القط

بتقسمنا خطاوينا
مابين قدر وبين مكتوب
نتوه فيها تعدينا.
نشوف فيها سكك ودروب
تقربنا تنسينا
وجع بالقلب كله خطوب
وتبعدنا تطوينا
مع الماضى ندوب وندوب
ياخطوة حلمنا الباقى
بلاش بالصبر تواسينا
غلبنا مرار ومساقى
ونار بالدمع تروينا
وطال فينا امل بُكره
مابين شروق مع تغريب
وعشنا كتير مع الذكرى
كتاب حافل بشكل عجيب
تقطعنا سطور تحكى
تلملمنا ادين ماتخيب
ولسه فجرنا تايهه
وليد ضاحك وفعله مَشِيب
ولسه حلمنا تايهه
مابين فرحه معاها نحيب
ياخطوة حلمنا الباقى
بلاش بالصبر تواسينا