أيوه أنا الشهيد
اللى ماسك سلاحه
بإيد من حديد
وشايل على كفى
عمرى مع حتفى
وواقف ع الحدود
اللى صاحبى سبقنى
من غير ماودعنى
استُشهد ونا شفته
عايش وكمان سعيد
أنا اللى دمى فَداكم
ينزف ويهتف فِداكم
اموت واتمنى أصحى
واموت من جديد
أكون على الحدود
اكون على الطريق
فى كمين او سدود
انا برضو الشهيد
أكون فى الشَمال
او حتى فى الجنوب
شرق و غرب البلاد
أنا هو الشهيد
أكون على ارض بلدى
او فى تشكيل قتال
ضد العدا يا بلدى
برضو هاكون شهيد
لما الندا ينادى
فينكم ابطال بلادى
فينكم واجهوا الاعادى
أنا جاهز و موجود
ايدى فى ايدك ياصاحبى
دانيال محمد ووهبى
نتكاتف علشان تعدى
سفينتنا م السدود
يامو الشهيد زغروطة
اعداء الوطن عبيطة
عايزينك تمنعينا
تحريمينا الخلود
استُشهد منا كتير
واقتلنا منهم أكثر
بس لشهدائنا جنة
ولكلابهم ثمود
ياللى عاملين كأنْكُم
بتدافعوا عنا سيبكم
من سفالتكم وعيبكم
مخططكم حقود
عايزين تفرقونا
شعبنا عن قادتنا
وتقولوا قال جنودنا
ماتوا برة الحدود
رغم الكذب دا كله
دمنا اللى سال داكله
سال على رمل بلدى
سال وكنا صمود
فاكرين لما قلتم
فين الجنود لغزة
كان الجنود ساعتها
حلو تسيب الحدود ؟؟ !!
لو كان العدا علينا
من اى حتة يجينا
وجب الجهاد ياسفلة
خارج نطاق الحدود
ياللى مابتفهموشى
ياللى مابتخجلوشى
رسالتنا هنأديها
جوة وبرة الحدود
ــــــــــــــــــــــــــــــــــــــــــــــ
علاء الدين هدهد
0 تعليقات:
إرسال تعليق