احزاني

الشاعرة مريم الموسوي‏
احزاني بشجرة احزانك يامظلوم
عصفورة تحط اعلة اغصانك يامظرم 
طير الحب الكسروا جنحة 
مثل اليل الذبحوا صبحة
,,,,,
ياهم التحول ليل عاشر وحدة نجومك 
طير مهاجر الاوطان حط بشجرة اهمومك 
عصفورة حزن كلبي تحوم دور اعلومك 
رجعت والجنح مكسور تنوح الفاجعة يومك 
عصفورت احزاني تندبك يامظلوم 
وترفرفمذبوحة بدربك يامظلوم 
طير الضمد جرحه بجرحه 
مثل اليل الذبحوا صبحه
,,,
شما ابعد وغيب اعليك ارد وتوسد بدربك 
لان كلبي طفل مفطوم يضل متعلق بكلبك
احس روحي تريد اتروح اذا ماعاشت بكربك
لان سر الحياة انت ويموت الماعرف حبك 
يالسرك مكنون بصدرك يامظلوم 
من هشموه وباحوا سرك يامظلوم 
صدر الخير الحاضن رمحه 
مثل اليل الذبحوا صبحه 
,,,
يافاتن دليلي الشوك تهيم الدنية بعيونك
يالوحة عشك فنان ظل متحير بالونك
اذا هي الشمس كلها دمعة تلالي بجفونك
يانسمة ربيع الروح تموت الزهرة من دونك 
يازهرة الفواحة بعطرك يامظلوم 
من كطعوها بكطعت نحرك يامظلوم 
زهرة الثكلوا بيه النفحه 
مثل اليل الذبحورا صبحه
,,,,,,,,
اذا يغزي خيالي الظن واذا حير دليلي الشك
اخفض جنحي يم غصنك وحط ياسيدي بعشك 
لان انت امير الحب ودليلي الهايمة عرشك 
الحواري تركع وتسجد اذا شافت وحي رمشك 
نور الجنة برمش جفونك يامظلوم 
شلون اتضل ذبلانة عيونك يامظلوم 
جفن النور الخمدوا رشحة 
مثل اليل الذبحوا صبحه
,,,,,,,,,,,,
كسر جنحي جناح اليل وردني الحيرتي وهمي 
ضباب ويحجب عيوني غيم تراكم بغمي 
وانة الجنت اغرد بيك محفوظة نشيد امي 
صرت ونة على شفافي غدت عشانة يم فمي 
رويت العالم بطيافك يامظلوم 
شلون تضل عطشانة شفافك يامظلوم
,,,,,,
شعبك ياغريب الطف عايش طفك بكل عام 
ولجل اطفالك الرضعان صبح كل العراق ايتام 
من زاخو لحد الفاو حركو ياحسين خيام 
لكن من أسروا بغداد اجوها بالسبي من الشام 
بوطانك كل احنه ايتامك يامظلوم 
ياعباس اليحمي اخيامك يامظلوم