انا سِلمى

للشاعر سمير احمد القط


انا سِلمى وبتحدى العنف 
وفى ايدى مصحف وهلال
فرعونى واصلى من منف
ونضالى مشهود وسيجال
اهرامى تشهد عن ذاتى
وحضارتى فى العالم كله
لومت يشهد لى مماتى 
بتاريخى ماانا ورده وفله
فى البر الغربى تلقانى 
بكنوزى والخير الوافر
والشرقى برضه خلانى 
بالمسك متحنى وظافر
وجنوبى يشهد عن اصلى 
فى الطيبة والكرم النادى
وشمالى نابت على نصلى 
بنضالى للباغى الغادى
بجدودى معروف فى العالم
وكرامتى مرفوعه تملى
فى الحرب منصور ومسالم
وبدينى معصوم وبصلى
انا سلمى ومصرى وبناضل
وبعلمى مرفوع الراس
من بين الصحبة اناعادل
وايمانى  على خط تماس
ورموزى زى القناديل
للعلم منارة وكشكول
من انور لنجيب وزويل
ببطولة من طبق الفول
والكوكب غنالى يالليل
وحليم يحضن اوطانى
مع شوقى يحلالى النيل
اشعارى تتعدى زمانى
يشهدلى حبى واخلاصى 
وفدائى على مدد الشوف
تلقانى عايش بين ناسى
صابرين نتحدى الخوف
وبناتنا بالادب الوافى
معصومة من اى رزيلة
تعرفهم وده مش خافى
بجمالهم ازهار وخميلة 
وولادى فى العلم منارة
بَِصَمَاتهم ترفع من هامتى
فى الادب والطب اشاره
تعرفهم من شكلى وسمتى
فى الشمس تلقانى سطوع
والضلة نسمة وحنان
والحب فى قلبى ده شروع
لو غاب ده يصبنى جنان
ماانا مصرى معروف بالاصل
بالجود والكرم الوافر
فى الشدة ترياق او مصل
راح اداوى لو كنت مسافر 
انا  سِلمى وبتحدى العنف 
وفى ايدى مصحف وهلال
فرعونى واصلى من منف
ونضالى مشهود وسيجال