قلبى حزين عليكى يامصر
وبيتعصر م الهم عصر
راح تاريخك فين والنصر
مال ولادك .. جرالنا ايه ؟
طول عمرك غاليه علينا
وف حضنك بتلمينا
نسمع عن اصلك وتاريخك
ونلف ربوعك وحاراتك
ونغنى لاسمك وكيانك
فيدوب الاسم ف اسامينا
النيل بقى لونه بلون الدم
تاريخ راح لولاد العم
ولادك .. حتى كمان احفادك
غيروا شهد النيل بالسم
قلبى حزين والله يامصر
دم ولادك تاه فى الليل
حتى النيل مش لاقى هاميس
ماتت حتى عروس النيل
من غير زفة وطرحة ونصر
داسك ليه أعداء الدين
خونه واعداء للمصريين
دبحوا ولادك فى الميادين
بسم العدل وبسم الدين
داحنا ياعالم مصريين
سلفى وقبطى حتى الاخوانجيه
التايهين
شرطى وعسكرى ليبرالى
والشيوعيين الغايبين
دمنا واحد .. أصلنا واحد
طول عمرنا اصحاب واخوات
دا حنا ياعالم مصريين
ضاعت أحلامنا وايامنا
بين متاهات المنسيين
والله م اسيبك تانى يابلادى
ولا هنشمت فيكى اعادى
تارك هاخده من الواطيين
دم الشهداء والمساكين
وهاتفضل رايتك مرفوعة
مش ها نطاطى لأى عميل
ولا هانسلم ارضك ابدا
للجواسيس المحميين
مصر هاتفضل دايما حرة
ام الدنيا بكل كرامة
رغما عن أنف الواطيين
0 تعليقات:
إرسال تعليق