اتمردي علي قلبي وحبي اتمردي
وقولي انك كرهتي فيا طبعي الردي
قولي كان بيحبني موت
وحبه يا ناس خنيق
اتمردي
...
وقولي ولا الف واحدة مكاني
تقدر تطيق
طبعه الردي
...... اتمردي
زعلانة عشان
كنت بحاوطك بروحي
ف كل مكان
وباحرسك من كل عين بصاصة
وواقفلك قلبي حارس دادابان
حتي ف حلمك كنت واقفلك حراسة
اتمردي علي المتيم بيكي
العاشق الهايمان ف لياليكي
اتمردي علي قلب ما حبش
و مادقش غير ليكي
علي روح طوافة حواليكي
مبتحسش غير بيكي
اتمردي وانكيريني
وانكري كل سنيني
اللي ضاعت فيكي سُدي
وانكري عشقي لدروبك
ومتصدقيش بُكي الخُطي
اتمردي علي سمار لوني
علي بساطتي وطيبتي
و صورتك اللي ساكنة عيوني
اتمردي علي كل ما فيا حبيبتي
0 تعليقات:
إرسال تعليق