يا بحر من الحنان يا امه
يا شجره فروعها م الجنه
سقانى صدرك الدافـــى
وحرك فيا مجدافـــــــى
مليش غيرك حبيب وافى
لا خال ينفعنى ولا عمــه
يا بحر من الحنان يا امه
***
على كفوفك نما عـــودى
وحضنك ارضى وحدودى
معاكـــى بحس بوجودى
يا طـــــرح الحب للمه
يا بحر من الحنان يا امه
***
تملى بتدعى وتسمــــى
مفيش غيرك يشيل همى
بحبك حـــب يا أمـــــى
يكفــــى الدنيا والأمــــه
يا بحر من الحنان يا امه
***
ياســـت الكل انا طيرك
ولحم كتافى من خيرك
ومنايا انــــى اعيش جنبك
ملك ايديكــــى واسيرك
مطيــــع للأمـــر والكلمه
يا بحر من الحنان يا امه
***
يا ساكنه روحى وكيانى
يا اهلــــــى وكل اوطانى
دا مهما ابعد واغيب عنك
بلاقى اشواقــــــى ردانى
وحنينى واخدنى للضمه
يا بحر من الحنان يا امه
***
مهما اقول واعيد واحكى
كلامــــــى عمره ما يكفى
وكل الشعـــر ما يوفــــى
رضاكى ودعـــوتك يا امه
بحبك حــــــب يا غاليــــه
يكفـــــــى الدنيا والأمـــه
يا بحــــر من الحنان يا امه
0 تعليقات:
إرسال تعليق