بقلم أبو هريدي - دري جمال
أبني هريدي يا مشير راح التحرير
مسمعش كلامي
عصاك..... وعصاني
قالي يا داد أنا نازل التحرير
أول مرة يا مشير ابني يقولي يا داد
أمي الله يرحمها قالتلي في يوم
داد... كلمة امريكاني أبيحة
أوعى يا دري حد يقولهالك
حتى لو كان رتبة ومشير
داد معناها ان الواد ابني هريدي
خاين ومايص وعميل
فتشت في صوره
وملابسه
وتحت ملايته البيضا
وبيجامته
لقيت اجندة شيك حمرا
لا يا مشير مش هية الحمرا
أجندة بجلدة قطيفة فيها تواريخ
وخريطة
وفيها تعاويذ
اسماء كل العملا الخاينين
, احمد ماهر,اسراء عبد الفتاح,اسماء محفوظ
وشيرين
جورج اسحاق, والاسواني وبلال, وريم وفودة وعبده كفاية
وصورة الشيخ عفت
ماسك في إيدين القس موريس
وصرخت بعلو الصوت
فينيك يا مشير
وكمان صورة لابني هريدي رافع علم القبضة لفوق
يعني لامم كل شباب الكف
في ايد واحدة
يانهار اسود
ابني هريدي من ثوار التحرير
عميل وخاين من حركة ابريل
ابني هريدي يا مشير راح التحرير
شاف قناوي وحمزة ومينا واحمد
وجورج وعبد الرحمن وبطرس
شاف غادة وعزة
شاف البت نيفين
شاف مينا واحمد
ماسكين في إيدين بعض
حاضنين بعض
نفس الحضن اللي أتربوا عليه
شافهم تحت عجلات الدوبل الاسود
الوراني شمال
من سيارتك يا مشير
سمع اخر صرخة ليهم
هريدي معرفش يميز صرخة مين
سمع تك تكة العظم تحت الدوبل الاسود
من سيارتك
اختلط العظم
ومعاه اللحم
غطاهم الدم
نفس فصيلة الدم
مصري
الدوبل الاسود يامشير
مسألهمش مين المسلم فيكو
ومين القبطي
الدوبل الاسود يا مشير
دهس المصري
ابني هريدي ورفاقه
سمعوا اخر صرخة
اخر ضحكة
واخر صيحة
ابني هريدي انصاب بالهم
وانصاب بالغم
يا مشير الدم
ابني هريدي يا مشير راح التحرير
قالي يا داد
البنت اللي أتسحلت وأتعرت في الشارع إياه
والتانية ضربوها بعشرين شومة على دماغها
فتحوا نافوخها
وجدوا مكتوب جواه
وبالخط الرباني
ياللعار يا مشير
ضربوهم بقرار رسمي وجمهوري
مختوم بالنسر
وراني صورة النسر
والله يا مشير
نفس سحنة صاحبك
ونفس غباء الوش
وبيانات الغش
ابني هريدي يا مشير راح التحرير
عمره ما كان من سميعة تمورة وعمورة
ولا مروة
عريانة الصدر الامورة
ابني هريدي يا مشير كان يسمع لإمام
(الشيخ امام)
وبيعشق أبو نوارة
الرجل الكُمل .....نجم
ابني هريدي يا مشير راح التحرير
مصمم ينزل تاني للتحرير
وعيته...... ونصحته
زي ماقلت سيادتك
انت ورجالتك
عطار وعمارة وشاهين والمرشد
والواد السلفي أبو دقن خفيفة بكار
الفشار
ونصحت هريدي كمان ينزل ويروح روكسي
في هناك شيكوليتا وبمبون سيما
وكمان مسرح
وشاشة كبيرة
وفي سيرك
في أراجوز أبيض وحليوة
بس تقيل الدم
اسمه عكاشة سخافة تلامة
معاه مية واتناشر(112) بطة
وحزمة فجل اخضر
وعيدان جرجير
وكمان في شباب سيس
ملهمش نصيب في رجال التحرير
ابني هريدي قالي
يا بــــــويا
ابني هريدي اخيرا قالها ابـــويا
مبقاش ينطق داد
قالها بنفس القوة ونفس المعنى
بصراحة لازمنا بجد التغيير
أبني هريدي يا مشير راح التحرير
مسمعش كلامي
عصاك..... وعصاني
قالي يا داد أنا نازل التحرير
أول مرة يا مشير ابني يقولي يا داد
أمي الله يرحمها قالتلي في يوم
داد... كلمة امريكاني أبيحة
أوعى يا دري حد يقولهالك
حتى لو كان رتبة ومشير
داد معناها ان الواد ابني هريدي
خاين ومايص وعميل
فتشت في صوره
وملابسه
وتحت ملايته البيضا
وبيجامته
لقيت اجندة شيك حمرا
لا يا مشير مش هية الحمرا
أجندة بجلدة قطيفة فيها تواريخ
وخريطة
وفيها تعاويذ
اسماء كل العملا الخاينين
, احمد ماهر,اسراء عبد الفتاح,اسماء محفوظ
وشيرين
جورج اسحاق, والاسواني وبلال, وريم وفودة وعبده كفاية
وصورة الشيخ عفت
ماسك في إيدين القس موريس
وصرخت بعلو الصوت
فينيك يا مشير
وكمان صورة لابني هريدي رافع علم القبضة لفوق
يعني لامم كل شباب الكف
في ايد واحدة
يانهار اسود
ابني هريدي من ثوار التحرير
عميل وخاين من حركة ابريل
ابني هريدي يا مشير راح التحرير
شاف قناوي وحمزة ومينا واحمد
وجورج وعبد الرحمن وبطرس
شاف غادة وعزة
شاف البت نيفين
شاف مينا واحمد
ماسكين في إيدين بعض
حاضنين بعض
نفس الحضن اللي أتربوا عليه
شافهم تحت عجلات الدوبل الاسود
الوراني شمال
من سيارتك يا مشير
سمع اخر صرخة ليهم
هريدي معرفش يميز صرخة مين
سمع تك تكة العظم تحت الدوبل الاسود
من سيارتك
اختلط العظم
ومعاه اللحم
غطاهم الدم
نفس فصيلة الدم
مصري
الدوبل الاسود يامشير
مسألهمش مين المسلم فيكو
ومين القبطي
الدوبل الاسود يا مشير
دهس المصري
ابني هريدي ورفاقه
سمعوا اخر صرخة
اخر ضحكة
واخر صيحة
ابني هريدي انصاب بالهم
وانصاب بالغم
يا مشير الدم
ابني هريدي يا مشير راح التحرير
قالي يا داد
البنت اللي أتسحلت وأتعرت في الشارع إياه
والتانية ضربوها بعشرين شومة على دماغها
فتحوا نافوخها
وجدوا مكتوب جواه
وبالخط الرباني
ياللعار يا مشير
ضربوهم بقرار رسمي وجمهوري
مختوم بالنسر
وراني صورة النسر
والله يا مشير
نفس سحنة صاحبك
ونفس غباء الوش
وبيانات الغش
ابني هريدي يا مشير راح التحرير
عمره ما كان من سميعة تمورة وعمورة
ولا مروة
عريانة الصدر الامورة
ابني هريدي يا مشير كان يسمع لإمام
(الشيخ امام)
وبيعشق أبو نوارة
الرجل الكُمل .....نجم
ابني هريدي يا مشير راح التحرير
مصمم ينزل تاني للتحرير
وعيته...... ونصحته
زي ماقلت سيادتك
انت ورجالتك
عطار وعمارة وشاهين والمرشد
والواد السلفي أبو دقن خفيفة بكار
الفشار
ونصحت هريدي كمان ينزل ويروح روكسي
في هناك شيكوليتا وبمبون سيما
وكمان مسرح
وشاشة كبيرة
وفي سيرك
في أراجوز أبيض وحليوة
بس تقيل الدم
اسمه عكاشة سخافة تلامة
معاه مية واتناشر(112) بطة
وحزمة فجل اخضر
وعيدان جرجير
وكمان في شباب سيس
ملهمش نصيب في رجال التحرير
ابني هريدي قالي
يا بــــــويا
ابني هريدي اخيرا قالها ابـــويا
مبقاش ينطق داد
قالها بنفس القوة ونفس المعنى
بصراحة لازمنا بجد التغيير
0 تعليقات:
إرسال تعليق