اغضب
ثور ...ثور
نفس نيران الغل المخنوقة جوه صدورنا
حولها نار سايلة تفور
حولها أعاصير
اعلنها حرب
خليها دمار
مش بس ضرب
مش بس رصاص ولا حتى نار
عايزين دماهم النجسة تجرى بحور
دم ولادنا اللى سال
وصوت عياط الامهات والعيال
وصوت آهاتنا المدبوحة ليل نهار
بيحلفوك انك تثور
..
اللى عدى من حدودنا
من الكلاب
واللى غدر وقتل جنودنا
مع الكلاب
وحق الكتاب
حول اماكنهم الى جحيم
دمر مجامعهم كما الصريم
اسقيهم مع الموت اصناف العذاب
وحنا معاك
وحنا وراك
وحنا طوع امرك لو تريد
نحمل سلاح
من بكرة افتح لينا باب الكفاح
من بكرة اعلنها حرب على الجميع
مافيش تردد
من النهاردة مافيش رجوع
مافيش بكى ولا دموع
مافيش كمان عزا ولا صوان
التار هانخده والصاع نرده
ونار غضبنا تصير نيران
من النهاردة حق الولاد هنرجعه
من النهارده حلم الحليم هانودعه
من النهاردة عنوانا عنوان الغضب
خلص الكلام ماعدش فيه غير الغضب
ماعدش فيه فى قلوبنا الا الغضب
وجيش الغضب عمره ابدا ماينهزم
او ينغلب
ياحثالة البشر استنوا منا ردنا
بعزمنا وبِغِلنا
وقبلهم ايمانا بنصرة ربنا
راح ناخد من دماكم فاتورة حقنا
و حق الشهيد هنجيبه ولو بالدراع
اعلنها حرب وشوف منا افعال السباع
اعلنها حرب وشوف يامشير
ازاى هانملى سينا عدد حبات التراب
شبر شبر ولو هربوا حتى فوق السحاب
هنجبهم فين ماكانوا متسلسلين زى الكلاب
هنمزع جتتهم بالسنان وبالنياب
بس أنت أمر كده وراح تشوف
بس انت اغضب والنبى
بس انت ثور
ثور يامشير
ـــــــــــــــــــــــــــ
علاء الدين هدهد.