يا نساية ما اتفكرتش أياماتي
ضاعوا منك وإلا لوحت جواباتي
تتفكر قداش جرينا
وقعدتنا في وسط جنينة
وإلا نساتك الدنيا
وكسرت الوقت في ساعاتي
يا نساية ما اتفكرتش التصويرة
مع العروسة في التصديرة
ليلتها كنا في حفلة
تصويرة جات على غفلة
هزينا الذكرى وروحنا
وعقول الغيرة في حيرة
يا نساية ما حنش قلبك ع العشرة
بدلت أحبابك والقشرة
يا ما أقسى قلبك كي هجرني
ما ودع وقت اللي غدرني
الخبر وصلني في قلبي
ميش كذبة اتعدات في النشرة
ليست هناك تعليقات:
إرسال تعليق