فداكى

 ..بقلم الاديب والشاعر سمير احمد القط

فداكى فداكى ياعمرى وسنينى
ياساكنة فى قلبى يافرحى وانينى
ياولدى وكَبدى ياسندى وضمينى
ياحبى ومدادى يامهدى وحنينى

تعيشى تعيشى يابلدالشهيد
فداكى فداكى وروحى تهون
فى قلبى مكانك ومنك اكون
تعيشى بحنانك ياقلبى الحنون
وارفع ف شانك ياغصن الزتون
فداكى فداكى ويكفينى انى
برد ف جميلك وربى يِعِنى
واكون لك دليلك واحسن ف ظنى
ويروينى نيلك واعيش لك تملى
يابلدى ياهامه ياشمس النهار
حضارتك علامه فوق كل دار
ونبعك شهامه وكرمك مزار
ونيلك كرامه وهرمك منار
تعيشى تعيشى يابلدالشهيد
بنصرة وعزة تهدى الحديد
بااحمد وبطرس وعبد الرشيد
بكف فى ايادى بيبنى يزيد
تعيشى تعيشى يابلدالشهيد
وقلب ف ولادى يقولك نشيد
بفيلا وبيت وعشة بجريد
بخيمة وضله وجرن ووقيد
بضحكة تهلل ف فم الوليد
تعيشى تعيشى يابلدالشهيد
بساعد يواعد ويبنى يشيد
بطالب ف جامعة دكتور او معيد
بفكر وعقول تخطط تفيد
بيا وابنى وجدى اكيد
تعيشى تعيشى يابلدالشهيد
تفديكى روحنا وربى شهيد
فداكى فداكى يانبض الوريد
ماتنام لينا همه ياست العبيد
عدوك عدوى واحلف وازيد
لاطهر ف ارضك للخاين ابيد
تعيشى تعيشى يابلدالشهيد