كتبت / هويداالشريف
المصري : الدولة رفعت سعر البنزين !
اليبي : إحمد ربنا إن عندك جيش وشرطة
السوري : إحمد ربنا إن عندك سكن ومأوى
العراقي : إحمد ربنا إن عندك دولة .
بعد ماسمعت خطاب الرئيس هديت شويتين اى نعم سيارتى مركونة تحت البيت فى البداية ﻻنى مكنتش عارفة اقف فى الطابور واشحنها بنزين وبكدة كنت حتاخر على مطبخى فى رمضان
وبعدين اتصدمت برفع سعر البنزين بشكل هز ميزانية المصروفات اليومية قلت اوفر وخليها للضرورة وقررت مخرجش من البيت
بعد كدة فكرت وركزت لقيت كﻻم الرئيس مقنع قلت استحمل سنتين سنتين بس مش اكتر ؟!
وقلت ارد على الناس اللى زعلانة وعمالة تتكلم عن الزيادة
ياشعب مصر العظيم
ما انتم عارفين اننا هنتعب كام سنة علشان نرتاح وعارفين ان بلدكم مديونة ب تريلون و700 مليون والسيسى قالوكم الكلام دة لا قال ليكم هعطيكم فدادين ولا فلوس قال ليكم نشتغل وكلنا نساعد فى بناء مصر ولا انتم عاوزين كل حاجة ببلاش كدة
لكل شىء ضريبة امنك وامانك ووجودك فى بلدك وسط اهلك لة تمن غالى انت لو فى الخارج كنت حسيت بمعنى كلامى فى فلوس ومزايا اه عنية بس محروم انك تكون وسط بلدك واهلك ومش امن على نفسك لو عملت اى خطا يفنشوك ويقولك بالسلامة على بلدك لكن انت بتعترض وماحدش يقدر يقولك بالسلامة لانك قاعد فى بلدك بلاش تحرق بنزين وسوﻻر كتير فى كلام مالوش لازمة خليك اد المسؤلية علشان بلدك ام الدنيا تبقى اد الدنيا ... ورمضان كريم عليكو ياحلوين
نصيحة لجميع الناس الزعلانة من غلاء سعر البنزين وارجو نشر ما ساذكره على جميع الصفحات ليسمع الجميع وخاصة الشباب المتحمس على الفاضي كدة كدة حتتزل تشتغل بدل متغسل صحون وتتمرمط برة بلدك اغسل وامسح فى بلدك اكرم ليك
لان البلد لو وقعت ملهاش قومة تانى خلاص
فــ قبل ما تولول على رفع الأسعار .. افهم .. عشان البلد مش مستحملة نكرر غبائنا فى يناير
الموضوع ببساطة علشان كلنا نفهم مع بعض
بدأ عندما قامت الحكومة بعرض الموازنة السنوية على السيسى ورفض اعتمادها وكان أساس الرفض هو أن الحكومة ركزت على الاقتراض من الخارج لاستمرار الدعم للمواطن حتى لا يفقد الدعم ويثور كما حدث حالياً وطبعاً سيكون مقابل أستمرار ذلك الدعم فوائد مركبة فيذهب للاسف ثلاثة ارباع قيمة القرض لسداد الفوائد اللى على القروض .. والربع الباقى بيتوجه لجميع نواحى ومجالات الحياة فى مصر .. وعشان الربع ده مبيكفيش أى حاجة بنضطر نقترض تانى وبالتالى الديون والفوائد بتزيد سنة ورا سنة ورا سنة... وده احد اسباب خلع مرسي علي فكرة اننا رفضنا القرض من الصندوق الدولي اللي كان هيروح جيوبهم ويسبولنا الديون...!!
ولكن فى ظل العهد الجديد وعندما قامت الحكومة بعرض الموازنة على السيسي بتاعة كل سنة وفيها الدعم السنوى والقروض بتاعة كل سنة، قال لهم "مقدرش اعتمد الموازنة بالشكل دة ، احنا كدة بنأجل مواجهة المشكلة والأجيال الجاية حاتدفع الثمن" والناس مش فاهمة حجم المصيبة ولا يهمهم شىء طالما الدعم موجود ومستمر فتغور البلد فى داهية ولا فى اى مصيبة مش فارقة
الحكومة قالت للسيسي: "الناس عندها أمل ولو علينا الأسعار عشان نسد الديون ونحل المشكلة ، الناس مش حاتستحمل مننا"
السيسي رفض الموازنة وقال لهم : "احنا مش حانعيش طول حياتنا نقترض ولا مادين ايدينا ، نيجى على نفسنا سنتين ونتحمل مع بعض ونسد ديوننا وبعدها نوجه الميزانية كلها لدعم البلد مش ربعها بس .. لايصح الا الصحيح"
ولو سمعت كلامكم حابقى ببص تحت رجلينا وبنضيع مستقبل البلد دى .. نستحمل كلنا سنتين تعب نسد ديوننا وبعدها الميزانية كلها حاتبقى ملك الشعب دة .. إنما حانفضل مدين ايدينا لحد امتى؟
السيسي كان أسهل له يعتمد الموازنة الجديدة ويضحك على الناس بدعم اكتر وقروض أكتر والناس حاتعمل له تمثال دهب وتفرح بيه لان الدعم مستمر وعلى فكرة هو لم يلغى الدعم نهائياً بل خفضه حاجة بسيطة جداً ليوفر جزء يستطيع به سد العجز وعدم اللجوء للقرض أبو فوائد مركبة
بس حاييجى يوم علي مصر مش حاتقدر تسدد ديونها ودة حايبقى يوم قريب ودة اللى فاهمه الاخوان كويس وعشان كدة بيسخنوكوا علشان ترفضوا غلاء الأسعار وتطلعوا مظاهرات وتولع لذا افهموا حتى لا نضيع مرة آخرى
بالنسبة للفقير العاجز عن المساهمة دة شغلانة الحكومة الفترة اللى جاية :
السيسي عمل حد أقصى للأجور والفائض نزل بيه لحمة وفراخ على بطاقة التموين وسيسد به ايضا كافة المطالب الفئوية لصغار العمال والموظفين بالدولة
السيسي عمل صندوق تحيا مصر عشان يوجهه لدعم الفقراء قام رجال الأعمال رفضوا يدفعوا
السيسي فرض على رجال الأعمال ضريبة على ارباح البورصة عشان يجبرهم على المساهمة وينقل خير مصر من الغنى للفقير وهكذا ..
ساعدوا السيسى فى العمل والبناء بدل ما حاتتهد على دماغنا كلنا ومحدش حايكسب منها حاجة وكفاية نقل اشاعة يومية عن الاخوان و6ابريل ..
لا السيسي حايفرض ضريبة على المصريين فى الخارج الا اللى مشروعهم الرئيسى فى مصر
ولا السيسي حايفرض ضريبة على السكن الإضافى الخاص الا اذا كان قيمته فوق الاتنين مليون جنيه "يعنى الغنى جدا بس هو اللى حايدفع"
وجع ساعة ولا كل ساعة .. صبر سنتين بدلا من انتظار السقوط نحو الهاوية
ياريت الرسالة تكون وصلت... وابقي اعمل شير ووصلها لغيرك
0 تعليقات:
إرسال تعليق