----------------------------------
شو ضل من عِطر الفــرح يا ناس
حتى الورِد ببكي ندى وإحساس
خد العروسه ما أنخلق للدَمــــع
هيدا أنخلق يوم الفرح ينبــــاس
----------------------------------
نهر الحزن فاض وما خلى دمـوع
شو هالدِّني الـ عم نحتِرِق فيـها
حتى الحجر مثل البشر موجـوع
أوطــان عم تبــكي .. ونبكــــيها
من كُتُر عتمتنا بكانا الشـــــمع
من كُتُر ما شرِبنا سِكر هالكاس
خد العروسه ما أنخلق للدَمـــع
هيدا أنخلق يوم الفرح ينبــــاس
-----------------------------------
يا ريت لو شــي أيـــد بالعتمــه
تتحسس دموعي لتمســــحها
وقبل ما تلمسها مع النِســــمِه
صُدّا أنا ، حتى ما تجرحـــــــــها
من كُتُر عتمتنا بكانا الشــــــمع
من كُتُر ما شرِبنا سِكر هالكاس
خد العروسه ما أنخلق للدَمــــع
هيدا أنخلق يوم الفرح ينبــــاس
0 تعليقات:
إرسال تعليق