المرأه الريفيه

من الفجر للمسا 
في مشقه وأسيه
صابره علي قسمتي
حتي في يوم فرحي
بصحي من النجمه 
أشق علي طرحي
الفاس في أديه والأرض حواليه
ليه تلبسوا الفستان 
وأنا لبسه الجلابيه
أمشي ورجلي حافيه 
وهدومي منديه
وعشتي علي أدي
وحالي عدم
وبيتي في الأرضي
وأرعي الغنم وأعد أعاتبكم من كتر الألم
يارب ليه قسمتي كلها ندم
ياما لبستوا الحرير
من منبت أرضي
ياما أكلتوا الفطير
من صنع يدي
وأرعي أنا الغنم
وأنتم هنا عندي
مدهونه أنا بالطين
وأنتم بالون وردي
علشان أنا فلاحه 
ياناس مش ذنبي
عشتي بقي كده
وبقول ياربي
شعر::وفاء الزيني