كلام بيلف

كلام بيلف كتير و يدور
وعود .. احلام
ما تتحققش
نقول معذور
تايه مأسور
جوه سفينة
و شراع مكسور !!
يقابل ريح و موج عالي
يتوه تاني
في وسط بحور ,,, !
و ترجع دايره تدور بينا
لحلم سنين
تمشينا خطاوينا
و ياخدنا حنين
لناس ناسيين
اسامينا
ولو فاكرين
تلاقي أعذار
جرس انذار
قبل الترحاب
و عند الباب
نتلاقي
و احنا بنقول
خلاص ماشيين !!
و نركب تاني السفينة
نلف .. ندور
بس يا خسارة
الشراع مكسور !
_________ مايكل دانيال _________