عايشين ومش عايشين
حاسين إننا فى دنيا تانيه
وخدانا ف طريق مسدود
وخدانا طب علي فين
و الوجع ماشى ف خطاوينا
عاشقين ومش حاسين
يمكن نلاقى حنين جوانا
ساكن صدا صوتنا
وسكوتنا محاصرنا
نرفض حدود الأه
و غربتنا وخدانا
محوطانا
إحساسنا بيعافر
وجروحنا خنقانا
وضى الليل إخنفى نوره
والعتمه جوانا
وعيون الأمل ماتت
منا ف عز الليل
وليل مجروح فينا بينادى
فين ألاقى حبيب
ودمعتنا سكنانا
دمع السكوت جارح
وقلوبنا بتعانى
قلوب م الحب بتدوب
بتدوب من الغربه
إحساسنا ليه ضايع
جوه وطن مهجور
والنبض فى وريدى
عايش لكن مكسور
والدمع مل الخوف
من غربه الأيام
بعافر مع نفسى
لحظه غروب وخدانى
بهرب من يأسى
يمكن أعود تانى
أصالح الدنيا اللى معاندانى
يا غربه ضمينى
نفسى ألاقى جواب
والجرح بيعانى
ليه يا دنيا معندانى
بقلم / سيد منيرعطيه
ليست هناك تعليقات:
إرسال تعليق