مليون سلام

للشاعرسميراحمدالقط
مليون سلام للى بنى
وقال يامصر انت انا
وسار وعدى بالمحال
مليون سلام للى زرع
واللى برع
فى حب ناسه بالكمال
مليون سلام للى روى
واللى حوى
ارضه فى قلبه بالحلال
مليون سلام للى جاد
بدون ميعاد
وبدمه بنزيده جلال
مليون سلام
للغلابة الشقيانين
وفى كل شارع
وفى كل دين
زانهم عراقهم بالجمال
مليون سلام للمخلصين
والطيبين
ودعوة صادقة من بلال
مليون سلام للى صال
واللى جال
وفى قلبه مصر والعيال
مليون سلام
مليون سلام