وحياة الضحكه والحنان
اللى راحو من زمان
وحياة غدر الزمن
قلبى مشتاق
وعيونى حياره
وحياة التوها اللى
رميانى بليلك
ايوه بحلف بكل يمين
مشتاقه لعيونك الحلوين
حرام عليك يا زمان
تفرق الاحباب
وتعلم قلوبنا الاشواق
وتكحل عيونا بالآحزان
غرمنا احلا غرام
يتعلم منه كل من كان
رغم البعاد وطول المسافات
أروحنا متجانسه ولا يمكن تنسى
قرب تعالى ياضى العين
نور حياتى وضيع اهاتى
حنينى ليك ما بعده حنين
تعالى اقطف ورودى
اياك تخاف من الاشواك
الاشواك بتحمينى
وتحمى قلبى وحنينى
لمسة ايديك كلها حنيه
ازاى تنكوى بنارى
ولا تنجرح من الاشواك ديا
لو تجرحك شوكه
كانها جرحت عيونى
احميك يا غالى
من سهر الليالى
اخليك تنام بين جفونى
واتكحل بيك وارسمك
وشم على صدرى
وأحلف بغرامك
مافى شىء ينسينى كلامك
هعيش معاك على طول
حتى فى احلامى
خلى غرامك يملا عليا الدنيا
لو ودعتك البسمه يوم
يدمى قلبى
وتنسى عيونى النوم
ليه نسهر حياره
ونجوم الليل عنوانى
ودليلى لدرب ايامك
يا حلم الليالى
قرب يا غالى
وبلاش نتغرب
يا عمر ما يتنسيش
يا أمل وياه بعيش
سكون الليل صرختى
ودليلى لسكتى
والاه دوايا لعذابى وفرقتى
ليه يا عيونى عليك يهون شجونى
انت الطبيب لدائى والدوا
أصرخى يا أه ه يامحبوسه
بين ضلوعى
بلغيه قوليله
انا عليك بنادى
تعالى طمن
فؤادى
>>>>>>>>>>>
منى الفؤاد
0 تعليقات:
إرسال تعليق