الناس الوان ..

‏الشاعره شاديه ياسين‏

فى ناس من كتر التمثيل بتصدق نفسها
و ناس بتبدع الكدبه و تصدق كـــــــدبها
و ناس الخداع و الخيانه جوا دمـــــــــها
و ناس النفاق و الغش طريقها و ارضــها
و ناس مبتعرفش العيبه و لا تخجل منها
و ناس الشيطان بيحاول يوصل لـــعقلها
.............. فى ناس .................
فى ناس الطيبه ف عيونها و جوا قـلبها
و ناس بتضحى عشان غيرها بحياتها و نفسها
و ناس الصدق عنوانها تحب تعيشلها
و ناس تصارحك بالحقيقه و لو على قتلها
و ناس بتراعى اللى خالقها بضميرها و فكرها
و ناس ايمانها قواها و على الخير احساسها بيدلها